Preethi

ಪ್ರೀತಿ
 ಇರಬೇಕು ಎರಡಕ್ಷರ ಜೀವನದಲ್ಲಿ..
ಸೊಗಸಾಗಿರಲು ಬದುಕಲ್ಲಿ..
ಆದರೀಗ...
ಪ್ರೀತಿಯ ನಡುವಲ್ಲಿದೆ  
ಮೌನ
ಪದಗಳಿಲ್ಲದ ಗಾಯನ..

ಪರಿಣಯ

 ನೇತ್ರಾವತಿ ಯಿಂದ  ಶರಾವತಿ ಯ ವರೆಗೆ 

ನೇತ್ರಾವತಿಯ ಮಗಳೊಂದಿಗೆ ಆಗಿದೆ ಶರಾವತಿಯ ಮಗನ ಪರಿಣಯ 

ನೇತ್ರಾವತಿ ಯಿಂದ  ಶರಾವತಿ ಯ ವರೆಗೆ ಸಾಗಿದೆ ಬಾಳ  ಪಯಣ . 

ಮನದಲ್ಲಿ ಹೊಸ ಹರುಷ ಎದೆಯೊಳಗೆ ಪ್ರೀತಿಯ ವರ್ಷಾ 

ಹೊಸ ಕನಸುಗಳ ಜೊತೆ ಶುರುವಾಗಿದೆ ಜೀವನ 

ಹುಟ್ಟೂರಿನಿಂದ ಇನಿಯನೂರಿಗೆ ಸಾಗಿದೆ ಬಾಳ  ಪಯಣ 

ಹಡೆದಳು ನೇತ್ರಾವತಿ ಪ್ರೀತಿಸಿದಳು ಶರಾವತಿ

ಕೈ ಎತ್ತಿ ಹರಸಿದಳು  ನೇತ್ರಾವತಿ ಕೈ ಬೀಸಿ ಕರೆಯುತಿಹಳು ಶರಾವತಿ

ತವರೂರಿಗೇ  ಹೆಚ್ಚಾಗಿ ಕಂಡಿತು  ನಿನ್ನ ಪ್ರೀತಿ  

ಎರಡು ನದಿಗಳು ಎಂದೋ ಒಂದೇ ಕಡಲನ್ನು ಸೇರಾಗಿದೆ 

ಗೊತ್ತಿಲದೇನೆ ಇಬ್ಬರು ಒಂದೇ ಕಡಲ ತಡಿಯಲ್ಲಿ ಬೆಳೆದಾಗಿದೆ 

ನಮ್ಮಿಬ್ಬರ ಮಿಲನ ಎಂದೋ ಬರೆದಾಗಿದೆ 

ಹೆತ್ತಬ್ಬೆ ,ಕಡಲಬ್ಬೆ ಸಲಹಬ್ಬೆ ಈ ಪರಿಣಿತೆಯಾ 

ನೇತ್ರಾವತಿ ಯಿಂದ  ಶರಾವತಿ ಯಲ್ಲಿ ಬದುಕು ಕಟ್ಟ ಹೊರಟ ಈ ನಿನ್ನ ಮಗಳ .  

ನೇತ್ರಾವತಿಯ ಮಗಳೊಂದಿಗೆ ಆಗಿದೆ ಶರಾವತಿಯ ಮಗನ ಪರಿಣಯ 

ನೇತ್ರಾವತಿ ಯಿಂದ  ಶರಾವತಿ ಯ ವರೆಗೆ ಸಾಗಿದೆ ಬಾಳ  ಪಯಣ .

ಅಪವಾದ

ಅಂದು ಮನೆಗೆ ಬರಲು ಹಂಬಲಿಸಿದ ಮಗ 

ಆದರೆ ಹಡೆದವರ ಮನಸ್ಸಿಗೆ ಹುಳಿ ಹಿಂಡಿತ್ತು ಜಗ

ಜಗಕೆ ಬೇಡವಾಗಿತ್ತು ಮಗನೊಡನೆ ಬರುವ ಅವನ ಜಗ 

ಅವನನ್ನು  ಮನೆಯಿಂದಲೇ  ನೂಕಿತ್ತು ಕಪಟ ಮೊಗ 

ಅಂದು ಮನೆ ಮಗನನ್ನು ಮರೆತರೂ 

ಮಗ ಮನೆಯನ್ನು ಮರೆಯಲಿಲ್ಲ 

ಕಷ್ಟಗಳ ಕೋಟಲೆಯಲ್ಲಿ ಸಿಲುಕಿದ್ದರೂ 

ಹಡೆದವರನ್ನು ಪೀಡಿಸಿ ಕಾಡಲಿಲ್ಲ 

ಕಾಣಲಿಲ್ಲ ಮಗನ ಮನಸ್ಸಿನ ವೇತನೇ 

ಕೇಳಲಿಲ್ಲಅವನ  ಮೂಖ ರೋದನೆ

ಮರೆತ ಮನೆ ಇಂದು ಮಗ ಬರಲಿಲ್ಲವೆಂದು ದೂಷಿಸಿದೆ

ಕಪಟ ಮೊಗ ಕುಟಿಲ ತಂತ್ರ ರೂಪಿಸಿದೆ 

ಅಂದಿಗೂ ಇಂದಿಗೂ ಎಂದೆಂದಿಗೂ ಮಗ ಮೌನಿ 

ಭಾವನೆಗಳನ್ನು ಎದೆಯೊಳಗಿರಿಸಿ ಹೋರಾಡಿದ ಶೂರಿ 

ಪರರ ಮಾತಿಗೆ ತಲೆ ಬಾಗಿದ ಹಡೆದವರು 

ಮಗನ ಮನಸ್ಸನ್ನು ಅರಿಯದೇನೇ   ಹೋದರು .. 

DREAMS CAME TRUE

As i named this blog Dreamz ..yes unlimited dreams some r fulfilled and some yet to be ,but off course now i can change the subtitle b'coz i stopped getting nightmares.

        The love of my life gave happiness and my baby filled colour to my life. 

ಜತನ

ನೀ ತಂದ ಕಾಣಿಕೇ ನೀ ಕೊಟ್ಟ ಉಡುಗೊರೆ 

ಇವೆಲ್ಲ ನಿನ್ನ ನೆನಪನ್ನು ಕಾಡಿಸುತಲ್ಲನ ದೊರೆ  

ನಾ ಹೇಗಿರಲಿ ಇವೆಲ್ಲಾ  ಇನ್ನೂ ನನ್ನ ಬಳಿ ಇದೆಯಲ್ಲ 

ಪ್ರತಿ ದಿನ ನೋಡಿ ನಿನ್ನ ಛಾಯಾ ಚಿತ್ರ 

ಕಣ್ಣೀರ ಕೊಡಿ ಹರಿಸಿ ಮಾತ್ರ  

ಮರೆತರೂ ಮರೆಯಲಾಗದೆ ನಾ ನಿನ್ನ ನೆನಪಲ್ಲೇ ಇರುವೆನಲ್ಲ 

ನೀ ಕೊಡಿಸಿದ ಬಟ್ಟೆ ನಾ ಅದನ್ನ ಎಷ್ಟು ಇಷ್ಟ ಪಟ್ಟೆ 

ಎಷ್ಟು ಚೆನ್ನಾಗಿದೆ ಅಂತ ಹೇಳಿದಯಲ್ಲ 

ಮನಸ್ಸಿಲ್ಲ ತೊಡಲು ಅದನ್ನೀಗ 

ಚೆನ್ನಾಗಿದೆ ಅಂತ ಹೇಳೋ ನೀನೇ ಇಲ್ಲದಿರುವಾಗ

ಇಟ್ಟಿರುವೆ ಸಾಲಾಗಿ ನಿನ್ನ ನೆನಪಿನ ಕುರುಹುಗಳನ್ನ

ನನ್ನ ಜೀವನದ ಮೊದಲ ಕನಸುಗಳನ್ನ 

ಒಂದೊಮ್ಮೆ ಹಿಂದಿರುಗಿ ಬಂದು ನೋಡು 

ಜೋಪಾನವಾಗಿದೆಯಾ ಎಂದು ನಿನ್ನ ಸೊತ್ತುಗಳನ್ನ 

ಜೊತೆಗೆ ನಿನಗಾಗಿ ಕಾದಿರುವ ನನ್ನನ 

ನೆನಪು

ನನ್ನ ಪ್ರೀತಿಯ ಕಡೆಗಣಿಸಿ ಹೋದೆಯಾ ಗೆಳೆಯ
ನಿನ್ನ ಗೆಳತಿ ನಾನೆಂದು ಬೀಗುತಿದ್ದೆನಲ್ಲ
ನನ್ನ ಪ್ರೀತಿಗೆ ಕಳಂಕ ಹೊದೆಸಿ ಹೋದೆಯಾ ಗೆಳೆಯ

ನಿನಗಾಗಿ ಎಸ್ಟೊಂದು ಪರಿತಪಿಸಿದೆನಲ್ಲ
ಪ್ರತಿ ನಿಮಿಷ ನಿನಗಾಗಿ ಹಂಬಲಿಸಿದೆನಲ್ಲ
ನನ್ನ ಕನವರಿಕೆಗೆ ಬೆಲೆ ಕೊಡಲಾರದೆ ಹೋದೆಯಾ ಗೆಳೆಯ

ನಿನ್ನೊಡನೆ ಜಗವ ಕಾಣಬೇಕು ನಿನ್ನೊಡನೆ ಬಾಳ ನಡೆಸಬೇಕು
ನಿನ್ನೊಡನೆ ಸಂತಸ ,ನೆಮ್ಮದಿ ,ಸುಖ ,ದುಖ: ಹಂಚಿ ಪ್ರೀತಿಯನ್ನು ಜೈಸಬೇಕು
ನನ್ನ ಈ ಕನಸಿಗೆ ರೂಪ ಕೊಡಲಾರದೆ ಹೋದೆಯಾ ಗೆಳೆಯ 

 

 ಮರಳಿ ಬಾರೋ ನಾನೆಂದೂ ನಿನ್ನವಳೇ
ಮರಳಿ ಬಾರೋ ನಾನ್ನಿನು ನಿನಗೆ ಕಾದಿರುವೆ
ಮರಳಿ ಬಾರೋ ನನ್ನ ಮುದ್ದು ಗೆಳೆಯ ನಿನಗಾಗಿ ನನ್ನ ಜೀವವ ಮುಡಿಪಿಡುವೆ.

ನಿರೀಕ್ಷೆ

ಓ ಹುಡುಗ ನೀನೆಲ್ಲಿರುವೆ
ಹೃದಯವ ಕಲಕಿ ಮನಸನು ಕದಡಿ
ನೀನಿಲ್ಲೇ ಕಾದಿರು ನಾನೀಗ ಬಂದೆ ಎಂದು ಹೇಳಿ
ಹೋದ ಹುಡುಗ ನೀನೆಲ್ಲಿರುವೆ

ನೆನಪಿಲ್ಲವೇ ನನ್ನ ಸ್ನೇಹ
ನೆನಪಿಲ್ಲವೇ ನನ್ನ ಪ್ರೀತಿ
ನಿನಗೆ ನನ್ನ ನೆನಪಿಲ್ಲವೇ
ಓ ನನ್ನ ಸಂಗಾತಿ

ಇಲ್ಲಿ ದಿನಗಳು ವರುಷದಂತೆ
ಹಗಲಿರುಳು ಬರೀ ನಿನ್ನ ಚಿಂತೆ
ಬದುಕಲಾರೆ ನೀ ಬರದೆ ಸಾಯಲಾರೆ
ನಿನಗಾಗಿ ಮರುಳಾದಳು ನೋಡು ನಿನ್ನ ಕಾಂತೆ

ನನಗಾಗಿ ಬರಲಾರೆಯ
ಒಮ್ಮೆ ಬಂದು ನನ್ನ ನೋಡಲಾರೆಯ
ಸಾದಾ ನಿನಗಾಗಿ ಹಂಬಲಿಸುವ ಈ ಜೀವಕೆ
ಪ್ರೀತಿಯ ಸಾಂತ್ವನ ನೀಡಲಾರೆಯ ?