ನಿರೀಕ್ಷೆ

ಓ ಹುಡುಗ ನೀನೆಲ್ಲಿರುವೆ
ಹೃದಯವ ಕಲಕಿ ಮನಸನು ಕದಡಿ
ನೀನಿಲ್ಲೇ ಕಾದಿರು ನಾನೀಗ ಬಂದೆ ಎಂದು ಹೇಳಿ
ಹೋದ ಹುಡುಗ ನೀನೆಲ್ಲಿರುವೆ

ನೆನಪಿಲ್ಲವೇ ನನ್ನ ಸ್ನೇಹ
ನೆನಪಿಲ್ಲವೇ ನನ್ನ ಪ್ರೀತಿ
ನಿನಗೆ ನನ್ನ ನೆನಪಿಲ್ಲವೇ
ಓ ನನ್ನ ಸಂಗಾತಿ

ಇಲ್ಲಿ ದಿನಗಳು ವರುಷದಂತೆ
ಹಗಲಿರುಳು ಬರೀ ನಿನ್ನ ಚಿಂತೆ
ಬದುಕಲಾರೆ ನೀ ಬರದೆ ಸಾಯಲಾರೆ
ನಿನಗಾಗಿ ಮರುಳಾದಳು ನೋಡು ನಿನ್ನ ಕಾಂತೆ

ನನಗಾಗಿ ಬರಲಾರೆಯ
ಒಮ್ಮೆ ಬಂದು ನನ್ನ ನೋಡಲಾರೆಯ
ಸಾದಾ ನಿನಗಾಗಿ ಹಂಬಲಿಸುವ ಈ ಜೀವಕೆ
ಪ್ರೀತಿಯ ಸಾಂತ್ವನ ನೀಡಲಾರೆಯ ?